Search This Blog

Saturday, August 6, 2011

Բացման խոսք

Արդեն մոտ 4 տարի է, ինչ բացի հունական երաժշտությունից գրեթե այլ բան չեմ լսում։ Ինքս ինձ համար թարգմանում եմ և ունկնդրում ականջիս սիրելի երգերը։ Մի պահ եկավ, երբ թարգմանությունների քանակը հասավ մի կետի, որ դարձավ ներկայացուցչական որոշակի ծավալ, ես էլ սկսեցի մտածել դրանք հայ ունկնդրին հասանելի դարձնելու և հունական երաժշտարվեստի լավագույն նմուշները դրանցով հետաքրքրվողներին ներկայացնելու մասին։

Չգիտեմ՝ որքանով այսօր դա պահանջարկ ունի, բայց, հաշվի առնելով, որ առանց բառերը հասկանալու միայն գեղեցիկ երաժշտություն ունկնդրելն այնքան էլ լիարժեք տպավորություն չի ստեղծում գործերի մասին, որոշեցի հերթով ներկայացնել սեփական հետաքրքրասիրությանս արդյունքը։ Հաշվի առնելով Ֆեյսբուքի փորձը՝ հուսով եմ, որ որոշ մարդկանց կհետաքրքրի։

Այստեղ ներկայացված կլինեն հունական երաժշտության ըստ իս լավագույն նմուշները։ Յուրաքանչյուր երգ կուղեկցվի հայերեն և հունարեն զուգահեռ տեքստերով։

Մեկ խնդրանք միայն. կայքի նյութերից օգտվելիս կայքին հղումը պարտադիր է։ Շնորհակալություն։

Մնացածը՝ ընթացքում։

Մաղթում եմ հաճելի ունկնդրում։


No comments:

Post a Comment