Հե՛յ, իմ նավակ, Սըփ-Նիկոլա՛

Բառերը՝ Վասիլիս Ցիցանիս (Βασίλης Τσιτσάνης),
Երաժշտությունը՝ Վասիլիս Ցիցանիս (Βασίλης Τσιτσάνης)։

Քիթդ շո՛ւռ տուր, ծո՛ցը գնա,
Հե՛յ, իմ նավակ, Սըփ-Նիկոլա՛։

Ձուկն է ծփում բերնեբերան,
Բախտով քեզ եմ ես պարտական։

Սիրահարված եմ

Բառերը՝ Նիկոս Կարվելաս (Νίκος Καρβέλας),
Երաժշտությունը՝ Նիկոս Կարվելաս (Νίκος Καρβέλας),
Առաջին կատարումը՝ Աննա Վիսսի (Άννα Βίσση)։


Երեկոն այսօր չի ուզում թողնել
Օրվան լուսանալ,
Եվ ցավն իմ կրծքում չի ուզում հանգչել,
Մի քիչ մեղմանալ։

Ինչպես պատմեմ քեզ

Բառերը՝ Ստավրոս Կույումցիս (Σταύρος Κουγιουμτζής),
Երաժշտությունը՝ Ստավրոս Կույումցիս (Σταύρος Κουγιουμτζής),


Ինչպես քեզ պատմեմ,
Թե ինչ է հիմա ներսումս բարդվում։
Թե անգամ սիրեմ,
Շուրթերս փակ են, բառեր չեն ելնում։

Ամուսինս հեռանում է

Բառերը՝ Ֆրանկո Կորլիանո (Franco Corlianò),
Երաժշտությունը՝ Ֆրանկո Կորլիանո (Franco Corlianò)։


Արբենալ եմ ուզում հիմա՝ չմտմտամ,
Լամ ու ժպտամ, ուսիդ թիկնեմ ողջ գիշեր,
Բարկ մոլուցքով երգեմ մի շեր խավարում,
Լուսնին ողբամ... Ամուսինս է հեռանում...

Գաղթականի պես

Բառերը՝ Լևտերիս Պապադոպուլոս (Λευτέρης Παπαδόπουλος),
Երաժշտությունը՝ Զուլֆու Լիվանելի (Zülfü Livaneli)։


Գաղթականի պես, սեփական երկրում՝
Գիշեր ու ցերեկ վերքերդ ես կապում,
Շուրջդ ամեն բան օտար է ու քար,
Լուսաբացները քեզ լույս չեն բերում։