Գաղթականի պես

Բառերը՝ Լևտերիս Պապադոպուլոս (Λευτέρης Παπαδόπουλος),
Երաժշտությունը՝ Զուլֆու Լիվանելի (Zülfü Livaneli)։


Գաղթականի պես, սեփական երկրում՝
Գիշեր ու ցերեկ վերքերդ ես կապում,
Շուրջդ ամեն բան օտար է ու քար,
Լուսաբացները քեզ լույս չեն բերում։

Այգաբացի երրորդ ժամին

Բառերը՝ Կոստաս Մակրիս (Κώστας Μακρής),
Երաժշտությունը՝ Մարկոս Վամվակարիս (Μάρκος Βαμβακάρης)։


Այգաբացի երրորդ ժամին
Կգամ քեզ արթնացնելու,
Ըմբոշխնելու մորիցդ գաղտնի...
Ելիր ինձ հետ խոսելու։

Երբ ծաղկում է եղրևանին

Բառերը՝ Ստավրոս Կույումցիս (Σταύρος Κουγιουμτζής),
Երաժշտությունը՝ Ստավրոս Կույումցիս (Σταύρος Κουγιουμτζής),
Առաջին կատարումը՝ Յորգոս Դալարաս (Γιώργος Νταλάρας)։


Ասիր՝ կգաս ինձ գտնելու...
Սիրտս քամու վերածվեց,
Ավերակներիս ճախրելու՝
Ոչ մի թռչուն թև չբացեց։

Հակվում է արևը

Բառերը և երաժշտությունը՝ Կոստաս Խացիս (Κώστας Χατζής),
Առաջին կատարումը՝ Խարիս Ալեքսիու (Χαρούλα Αλεξίου)։


Հակվում է արևն, օրը համակ՝ խոնարհվում մութին...
Կուզենայի ես էլ այդպես հանգչել,
Ու հեռանալով, անհետանալով օրվա ավարտին՝
Այգաբացին բողբոջել։

Արի ինձ մոտ լուսնի լույսում

Բառերը՝ Խարիս Ալեքսիու (Χαρούλα Αλεξίου),
Երաժշտությունը՝ Խարիս Ալեքսիու (Χαρούλα Αλεξίου)։

Արի ինձ մոտ գիշեր ժամին՝ օտարների հետ չխմեմ,
Արի ինձ մոտ, որ այս պահին հեռանալու պատճառ գտնեմ։

Արմատներ եմ ձգել այստեղ՝ գորշ, ծխամած մռայլում,
Որ հուսահատ չտապալվեմ մահճիս, որ սեր չի բերում։

Արի ինձ մոտ գիշերում...