Արի ինձ մոտ լուսնի լույսում

Բառերը՝ Խարիս Ալեքսիու (Χαρούλα Αλεξίου),
Երաժշտությունը՝ Խարիս Ալեքսիու (Χαρούλα Αλεξίου)։

Արի ինձ մոտ գիշեր ժամին՝ օտարների հետ չխմեմ,
Արի ինձ մոտ, որ այս պահին հեռանալու պատճառ գտնեմ։

Արմատներ եմ ձգել այստեղ՝ գորշ, ծխամած մռայլում,
Որ հուսահատ չտապալվեմ մահճիս, որ սեր չի բերում։

Արի ինձ մոտ գիշերում...

Մի՛ հոգնիր ինձ սիրելուց

Բառերը՝ Յաննիս Արգիրիս (Γιάννης Αργύρης),
Երաժշտությունը՝ Սպիրոս Պապպաս (Σπύρος Παππάς),
Առաջին կատարումը՝ Լակիս Պապպաս (Λάκης Παππάς)։


Երբեք մի հոգնիր դու ինձ սիրելուց,
Իսկ եթե հոգնես, մի՛ թող հեռացիր,
Կամ թե որոշես լքել, գնալուց
Վերջին հայացքում նայեմ աչքերիդ...
Բայց թե լալիս ես, աչքերդ մի բացիր։

Մի՛ քանդիր մոխիրը

Բառերը՝ Կոստաս Վիրվոս (Κώστας Βίρβος),
Երաժշտությունը՝ Ստելիոս Կազանցիդիս (Στέλιος Καζαντζίδης)։


Մի’ քանդիր մոխիրը։ Կրակ չի դառնա։
Մեր սերը հանգավ նորից, ու հիմա,
Եթե կան կայծեր, որ կարմիր են դեռ,
Կմարեն փչող քամու հետ մեկտեղ։

Մեղադրեմ ջահել տարի՞քս

Բառերը՝ Լևտերիս Պապադոպուլոս (Λευτέρης Παπαδόπουλος),
Երաժշտությունը՝ Յաննիս Սպանոս (Γιάννης Σπανός),
Առաջին կատարումը՝ Վիկի Մոսխոլիու (Βίκυ Μοσχολιού)։


Մեղադրեմ ջահել տարի՞քս,
Խինդը հոգուս... ի՞նչ անեմ,
Եվ ի՞նչ ասեմ իմ խեղճ սրտին,
Ավեր։ Կրկին։

Սիրում եմ քեզ

Բառերը՝ Ժողովրդական (Փոքր Ասիա),
Երաժշտությունը՝ Ժողովրդական (Փոքր Ասիա)։


Սիրում եմ քեզ.
Սիրում եմ քեզ, քանի որ դու աննման ես.
Սիրում եմ քեզ, քանի որ դու աննման ես.
Որովհետև այդ դու ես։